Şeker nähili derejede zyýanly?

Şekeriň bedene çalt energiýa berýändigi hemmämize mälim. Emma ony gereginden artyk kabul etmek semizligiň, bedeniň ýaglanmagynyň we süýjüli diabetiň döremek howpuna getirip bilýär.

Alymlaryň bellemeklerine görä, iýmitiň düzüminden gereginden artyk şekeri aýyrmak, gan damarlarynyň we ýüregiň ýagdaýy gowulaşdyrýar, bedeniň agramyny we madda çalşygyny kadaly ýagdaýa getirýär, deriniň we tutuş organizmiň garramagyny haýallaşar we düwnük keseliniň döremek ähtimallygyny azaldýar.

Eýsem adam ýaşyna görä gündelik näçe mukdardaky şeker kadaly hasaplanýar?

Bütindünýä Saglygy Goraýyş Guramasynyň saýtyndaky maglumatlara görä, 2-den 5 ýaş aralygyndaky çagalara gündelik 25 gram, 6-18 ýaş aralygyndakylara 30-45 gram, 19 we ondan uly ýaşly adamlara 50 grama çenli şeker kada hasaplanýar!