Haltajykly çaýlar zyýanlymy?!

Türk alymlary käbir plastik haltajykly çaýlaryň demlenende müňlerçe mikroplastik bölejikleri bölüp çykaryp bilýändigini ýüze çykardylar. Rejep Taýyp Ärdogan uniwersitetiniň hünärmenleri 95 gradus gyzgynlykda 4 dürli plastik haltajykly çaýy hem-de 14 dürli atym çaýy synagdan geçirdiler. Bir sany plastik haltajykdan 555-den 2498-e çenli poliamid süýümleri çykyp, olaryň düzüminde bisfenol A we dürli plastifikatorlar ýüze çykaryldy. Adaty atym çaýlarda bu görkeziji ep-esli az bolup, bir porsiýada takmynan 0,3–2,4 aralygynda polimer garyndylary tapyldy.

Mikroplastikleriň yzygiderli bedene düşmeginiň saglyga ýetirip biljek täsirleri heniz öwrenilýär. Alymlar olaryň dokumalarda toplanyp, gormonal ulgam, ýürek-damar saglygy we sowuklama hadysalary bilen baglanyşykly bolup biljekdigini belleýärler.