Gyrgyzystanda bir goýun 1 million dollara satyldy

Gyrgyzystanda et-ýag ugruna ýöriteleşen «Araşan» tohumly goýunlaryň ösdürilip ýetişdirilmegine bagyşlanan festiwalda goçlaryň biri 1 million dollara satyldy.

Çärä bäş ýurtdan gelen maldarlar gatnaşdy. Rekord derejedäki söwdany Gyrgyz Respublikasynyň Oba hojalyk ministrligi hem tassyklady.

Gymmat bahaly tohum goçy 2023-nji ýylda Gazagystana 150 müň dollara satylan meşhur Frankel atly goçuň neslindendir. Bu tohuma sebitde barha köp üns berilýär.

2026-njy ýylyň mart aýynda Gyrgyzystanyň Oba hojalyk ministrliginiň ýolbaşçysy arassa tohumly «Araşan» goýunlaryny satmak üçin auksion ýa-da birža görnüşinde ýörite döwlet meýdançasyny döretmegi hem teklip edipdi.