Günorta Koreýada geçirilen ÝUNESKO-nyň Bütindünýä mirasynyň komitetiniň 48-nji mejlisi öz işini tamamlady

Günorta Koreýanyň Pusan şäherinde ÝUNESKO-nyň Bütindünýä mirasynyň komitetiniň 48-nji mejlisi resmi taýdan tamamlandy.

Oňa ÝUNESKO-nyň agza 196 ýurdundan 3 müň töweregi wekiliýet gatnaşdy.

Ýurdumyzdan bu foruma ÝUNESKO-nyň işleri barada Türkmenistanyň Milli toparynyň jogapkär sekretary Çynar Rüstemowa we Türkmenistanyň Koreýa Respublikasyndaky Adatdan daşary we Doly ygtyýarly ilçisi Begenç Durdyýew wekillik etdiler.

Mejlisiň netijeleri boýunça Pusan deklarasiýasy kabul edildi.

Komitetiniň indiki mejlisi 27-nji iýun — 7-nji iýul aralygynda Stambul şäherinde bolar.