Dünýäde ilkinji gezek Birleşen Arap Emirliklerinde kazyýet emeli aňy peýda bolar

Abu-Dabiniň Adalat departamenti dünýäde ilkinji emeli aň esasynda işleýän doly integrirlenen kazyýet platformasyny tanyşdyrdy.

Täze ulgam kazyýet işiniň ähli esasy amallaryny ýeke-täk sanly platformada jemleýär.

Emeli aň işleriň materiallaryny seljerýär, kanunlary we kazyýet nusgalaryny tapmaga kömek edýär, hukuk maslahatlaryny taýýarlaýar, resminamalaryň düzülmegine gatnaşýar we işlere seretmek möhletini çaltlandyrýar.

Her bir iş boýunça gutarnykly çözgüdi öňküsi ýaly, diňe kazy kabul edýär.

Emeli aň diňe kömekçi wezipesini ýerine ýetirýär we kazyýet kararlary çykarylanda adamyň ornuny tutmaýar.