Argentina dünýä çempionatynyň finalynda. Messiniň topary Angliýany 2:1 hasabynda ýeňdi

Argentina 2026-njy ýylyň dünýä çempionatynyň ýarym final duşuşygynda Angliýany 2:1 hasabynda ýeňdi.

Duşuşygyň 55-nji minutynda Entoni Gordon hasaby açdy. «Barselonanyň» täze oýunçysy Morgan Rodžersiň gapdaldan geçiren pasyny netijeli tamamlady.

Argentinalylar 86-njy minutda hasaby deňlediler — Lionel Messiniň pasyndan soň Enso Fernandes jerime meýdançasynyň daşyndan dürs urgy geçirdi.

Alty minutdan soň Messiniň geçiren pasyndan Lautaro Martines kellesi bilen gol geçirip, argentinalylara ýeňiş getirdi.

Argentina 2026-njy ýylyň dünýä çempionatynyň finalyna çykdy we ol ýerde Ispaniýa bilen duşuşar. Angliýa bolsa üçünji orun ugrundaky duşuşykda Fransiýa bilen oýnar. Iki duşuşyk hem 19-njy iýulda geçiriler.