Google-a garşy täze derňew başlandy

Türkiýäniň monopoliýa garşy göreş edarasy emeli aň mümkinçiliklerinden peýdalanmakda bäsdeşlik kanunçylygynyň bozulandygy baradaky gümanlar sebäpli «Google» korporasiýasyna garşy giň gerimli derňew işini başlatdy.

Derňew çäreleri ABŞ-nyň «Alphabet Inc.» korporasiýasyna degişli birnäçe düzüm birligini, şol sanda «Google Ireland Limited», «Google LLC», «Google International LLC» hem-de Türkiýedäki «Google Advertising and Marketing Ltd.» şahamçasyny öz içine alýar.

Wagtlaýyn girizilen çäklendirmelere görä, gözegçilik edarasy kompaniýa habar beriş serişdeleriniň mazmunyny öz emeli aň ulgamlaryna mejbury ýagdaýda goşmagy gadagan etdi.