Wladimir Putin Türkmenistanyň Prezidentini doglan güni bilen gutlady

Russiýa Federasiýasynyň Prezidenti Wladimir Putin Türkmenistanyň Prezidenti Serdar Berdimuhamedowy doglan güni bilen tüýs ýürekden gutlady.

Wladimir Putiniň gutlagynda şeýle bellenilýär:

«Siziň baştutanlygyňyzda Türkmenistan durmuş-ykdysady ösüşiň ýoly bilen üstünlikli öňe gitmegini dowam etdirip, dünýä giňişligindäki abraýyny barha pugtalandyrýar.

Biz Siziň ýurtlarymyzyň arasyndaky çuňlaşdyrylan strategik hyzmatdaşlygy mundan beýläk-de ösdürmäge gönükdirilen tagallalaryňyza ýokary baha berýäris.

Biz Russiýanyň we Türkmenistanyň dostlukly halklarynyň, Merkezi Aziýada, Hazar sebitinde howpsuzlygy, durnuklylygy üpjün etmegiň bähbidine ikitaraplaýyn hem-de halkara gün tertibiniň möhüm meseleleri boýunça bilelikdäki işlerimizi dowam etdireris».

Russiýa Federasiýasynyň Prezidenti döwlet Baştutanyna berk jan saglyk, bagtyýarlyk, abadançylyk hem-de jogapkärli döwlet işinde täze üstünlikleri arzuw etdi.