Ähli zat çagalar üçin

19–22-nji awgustda aralygynda “Kids Expo: ähli zat çagalar üçin” halkara sergi-ýarmarkasy geçiriler.

Bu geçiriljek çäre çagalar üçin önümler we hyzmatlar pudagynda iş alyp barýan kompaniýalar, öndürijiler, üpjün edijiler, paýlaýjylar, bilim edaralary hem-de pudagyň hünärmenleri üçin özara tejribe alyşmak we täze işewür gatnaşyklary ýola goýmak üçin möhüm meýdança bolar.

Serginiň dowamynda gatnaşyjylar çagalara niýetlenen dürli önümleri we hyzmatlary, innowasion önümleri hödürlärler.

“Kids Expo: ähli zat çagalar üçin” halkara sergi-ýarmarkasy gatnaşyjylara täze hyzmatdaşlary tapmak hem-de bazaryň täze ugurlary bilen tanyşmak üçin giň mümkinçilikleri döreder.