PFL-däki çempionlyk guşagyny Usman Nurmagomedow üstünlikli goramagy başardy

Garyşyk başa-baş söweş türgeni Usman Nurmagomedow amerikaly Arçi Kolgany ýeňip, Professional Fighters League guramasynyň ýeňil agram derejesindäki çempionlyk guşagyny goramagy başardy.

Nýu-Ýork şäherinde geçirilen duşuşyk ikinji raundda tamamlandy.

Russiýaly türgen Usman Nurmagomedow tehniki nokaut bilen ýeňiş gazandy.

Ýeri gelende bellesek, Nurmagomedow PFL-däki çempionlyk guşagyny ikinji gezek üstünlikli gorady.

Ol bu guşagy geçen ýylyň oktýabrynda irlandiýaly Pol Hýuzy eminleriň karary bilen ýeňip gazanypdy.