Mugt hindi filmleriniň festiwalyna gatnaşmak mümkinçiligini elden gidirmäň!

Hindistanyň Türkmenistandaky ilçihanasy 14—16-njy awgust aralygynda Aşgabatda hindi filmleriniň festiwalyny geçirer.

Festiwal Aşgabadyň Magtymguly şaýolunyň 115-nji jaýynda, Aşgabat kinoteatrynda bolar.

Üç günüň dowamynda tomaşaçylar hindi kinematografiýasynyň dürli ýyllarda surata düşürilen meşhur filmlerine tomaşa edip bilerler.

Festiwalyň maksatnamasyna laýyklykda, 14-nji awgustda sagat 17:00-da «Dangal» atly sport dramasy, 15-nji awgustda sagat 17:00-da «Ogrulanmadyk gelinlik» atly romantik komediýasy, 16-njy awgustda sagat 11:00-da «Hindistan, öňe!» sport dramasy görkeziler.

Tomaşaçylar görkezilişlere öňünden hasaba durmazdan, nobat boýunça girip bilerler. Giriş mugt görnüşde bolar.