«Arkadagyň» futbol kluby «Ahaly» 3:0 hasabynda ýeňdi

«Arkadagyň» futbol klubynyň oýunçylary «Ahaly» 3:0 hasabynda ýeňip, Türkmenistanyň Naýbaşy Kubogyna mynasyp boldular.

Naýbaşy Kubok ugrundaky bäsleşik 2005-nji ýyldan bäri ýurduň çempiony bilen Kubogynyň eýesiniň arasynda geçirilip gelinýär.

Geçen ýyl hem «Arkadag» Türkmenistanyň çempionatyny we Kubok ugrundaky ýaryşy ýeňiş bilen jemledi.

«Ahal» bolsa ýurduň Kubogynyň finalçysy hökmünde Superkubok ugrundaky duşuşyga gatnaşmaga hukuk gazandy.