“Air Belgium” awiakompaniýasy ýurdumyza ilkinji gatnawyny amala aşyrdy

Belgiýanyň “Air Belgium” awiakompaniýasy Aşgabat halkara howa menziline ilkinji gatnawyny üstünlikli amala aşyrdy.

Bu ilkinji gatnaw Türkmenistanyň we Belgiýanyň arasynda söwda, ykdysady we logistika hyzmatdaşlygyny ösdürmäge goşant goşar.

Aşgabat halkara howa menzili ýük gatnawlaryna durnukly, howpsuz we netijeli hyzmat etmek üçin zerur şertlere eýe bolup, Türkmenistanyň logistika we ulag ulgamynda möhüm ähmiýete eýedir.