Beýik Britaniýa elektron wiza ulgamyna doly geçdi

Beýik Britaniýa wiza resminamalaryny doly elektron görnüşe geçirdi.

Beýik Britaniýanyň Immigrasiýa müdirligi mundan beýläk arza berijileriň pasportlaryna wiza stikerlerini ýelmemeýär. Indi ähli täze wizalar diňe elektron görnüşde resmileşdirilýär.

Beýik Britaniýa sapar etmezden öň, eVisa eýelerine Beýik Britaniýanyň Immigrasiýa müdirligindäki şahsy kabinetine girip, wizalarynyň ýagdaýyny barlamak maslahat berilýär.