Honda 2027-nji ýylda täzelenen Accord modelini hödürlemäge taýýarlanýar

Ýaponiýanyň meşhur awtoöndürijisi Honda özüniň abraýly Accord modeliniň täze neslini tanyşdyrmaga taýýarlyk görýär. «Automotive News» neşiriniň maglumatlaryna görä, täzelenen awtoulagyň resmi tanyşdyrylyşy 2027-nji ýylyň ikinji ýarymynda geçiriler.

Modeller hatary diňe bir adaty sedan bilen çäklenmän, eýsem uniwersal hem-de krossower aýratynlyklaryny özünde jemleýän garyşyk görnüş bilen hem üsti ýetiriler. Awtoulagyň daşky dizaýny sport stilinde bolup, ol Honda-nyň 0 Series elektrik konseptlerinden we 2026-njy ýylyň ýazynda görkezilen prototiplerinden ylham alar.

Ulagyň içki giňişligindäki täzelikler uly ölçegli ekranlary, giňeldilen multimedia ulgamyny hem-de ýokary hilli interior materiallaryny öz içine alar. Awtoulagyň platformasy öňki binýadyny saklap galar, emma gibrid güýç ulgamlaryna düýpli kämilleşdirişler giriziler.