Bakuda hukuk ugry boýunça halkara hyzmatdaşlygy ara alnyp maslahatlaşyldy

Türkmenistanyň Baş prokurorynyň orunbasary E. Agaýewiň ýolbaşçylygyndaky wekiliýet Baku şäherinde geçirilen Yslam Hyzmatdaşlyk Guramasyna (YHG) agza ýurtlaryň korrupsiýa garşy göreşýän hukuk goraýjy edaralarynyň ministrler derejesindäki üçünji maslahatyna gatnaşdy.

Duşuşykda Türkmenistanyň wekiliýetiniň ýolbaşçysy kanunyň hökmürowanlygyny üpjün etmegiň, raýatlaryň hukuklaryny goramagyň we hukuk mehanizmlerini kämilleşdirmegiň ýurduň döwlet syýasatynyň möhüm ugurlarydygyny nygtady.