Testler barada

Testleriň taryhy hem-de adamzat jemgyýetinde hünär saýlamak üçin ulanylyş usullary gadymy döwürlerden bäri tapgyrlaýyn ösüp gelipdir.

Gadymy Müsürde ruhanylyga dalaşgärler daşky görnüşi, bilim derejesi we dymmak ukyby bilen birlikde ot hem suw synaglaryndan geçirilipdir.

Gadymy Wawilonda bolsa ýazyjy bolmak isleýänler hukuk, matematika we hatda saz çalmak ýaly köp taraply başarnyklaryny görkezmeli bolupdyrlar.

Serkerde Gedeon suw içiş ýagdaýyna görä hüşgär esgerleri saýlap alypdyr, Aleksandr Makedonskiý bolsa gaharlananda ýüzi gyzarýan esgerleriň batyr boljakdygyna ynanyp, olary öz goşunyna goşupdyr.

XIX asyryň ahyrynda Frensis Galton we Jeýms Kattell tarapyndan adamyň reaksiýasyny hem-de ýatkeşligini öwrenýän ilkinji ylmy barlaglar başlanyp, «test» sözi giňden ulanylyp ugrapdyr.

XX asyryň başynda Binet we Simon tarapyndan zehin derejesini ölçemek üçin ýörite soraglar işlenip düzülipdir. Bu bolsa häzirki wagtda bilim, harby ulgam we hünär saýlamak işlerini ep-esli ýeňilleşdirdi.