Microsoft işgärlerine meýletin işden gitmegi teklip edýär

Microsoft çykdajylary azaltmak we emeli aň ulgamyna maýa goýumlaryny güýçlendirmek maksady bilen, işgärleriniň ep-esli bölegine meýletin işden gitmegi teklip etdi.

«Business Insider» neşiriniň ýaýradan maglumatyna görä, bu ädim kompaniýanyň işgärleri mejbury işden çykarmagyň öňüni almak ugrundaky täze strategiýasynyň bir bölegidir.

Başlangyç ABŞ-da, Kanadada, Beýik Britaniýada we Hindistanda zähmet çekýän hünärmenleri öz içine alýar.

Bu çäre kompaniýanyň ýokary derejeli ýolbaşçylaryna we inženerçilik düzümindäki işgärlere täsir etmeýär.

Şertlere laýyk gelýän işgärler öz kararlaryny dekabr aýynyň başyna çenli bermeli bolarlar.

Häzirki wagtda 226 müň töweregi işgäri bolan tehnologiýa äpetiniň bu teklibi işgärler düzüminiň dörtden birinden hem köp bölegine degişli bolup biler.

Kompaniýa şoňa meňzeş meýletinçilik programmasyny ýylyň başynda hem synap görüpdi. Şonda ýaşy we iş tejribesi boýunça belli bir ölçeglere laýyk gelen 9 müň çemesi işgäriň üçden birine golaýy bu teklibi kabul edipdi.