Döwlet gullugy akademiýasynyň wekiliýeti sanlylaşdyrmak boýunça maslahata gatnaşdy

Türkmenistanyň Prezidentiniň ýanyndaky Döwlet gullugy akademiýasynyň wekiliýeti Azerbaýjanda geçen «Sanlylaşdyrmak we emeli aň eýýamynda adam maýalary: ösüş, geljekki mümkinçilikler we ýüzbe-ýüz bolunýan kynçylyklar» atly V maslahata gatnaşdy.

Oňa Türki Döwletler Guramasyna (TDG) agza döwletleriň adam maýalaryny ösdürmek boýunça degişli edaralarynyň wekilleri, şeýle hem döwlet dolandyryş edaralarynyň ýolbaşçylary, IT hünärmenleri we sanlylaşdyrmak hem-de emeli intellekt ulgamlary boýunça hünärmenler gatnaşdylar.

Maslahata gatnaşyjylar döwlet dolandyryş ulgamyna sanly tehnologiýalary we emeli intellekti ornaşdyrmak, şeýle hem döwlet hyzmatlarynyň hilini ýokarlandyrmak ýaly meseleleri ara alyp maslahatlaşdylar.