Apple kompaniýasy täze oýun dolandyryjylaryny işläp düzýär

Apple kompaniýasy iPhone üçin göni iki sany oýun dolandyryjysyny taýýarlaýar. Olaryň bazara Beats brendiniň ady bilen çykmagy mümkin. Bu barada Bloomberg neşiriniň synçysy Mark Gurman habar berdi.

Enjamlar adaty dolandyryş düwmeleri — ugrukdyryjy halkalar, taýajyklar we esasy düwmeler, şeýle hem titreme arkaly duýduryş berýän ulgam bilen üpjün ediler.

«macOS 26.7» ulgamynyň synag görnüşindäki kodlaryna görä, bu dolandyryjylaryň birinde giňişlikdäki hereketleri takyk yzarlamak üçin ýörite akselerometr we giroskop hem bolup biler.

Iki sany dolandyryjy baradaky maglumatlary 9to5Mac neşiri hem ýüze çykardy. Olaryň kod belgileri «T6502» we «T1057» hökmünde görkezilýär.