Ildeşlerimiz Merkezi Aziýanyň çempionatynda 11 medal gazandylar

Türkmenistanyň ýeňil atletika boýunça milli ýygyndysynyň türgenleri Daşkentde geçirilen Merkezi Aziýanyň III Açyk çempionatynda 11 medal, has takygy, 2 altyn, 7 kümüş we 2 bürünç medal gazandylar.

Baýraklar gysga we orta aralyga ylgamakda, estafeta ýaryşlarynda, çekiç zyňmakda hem-de ýadro iteklemekde gazanyldy.

Biz hem ildeşlerimizi gazanan üstünlikleri bilen tüýs ýürekden gutlaýarys. Bu barada “Нейтральный Туркменистан” gazetinde habar berildi.