“Türkmenistanyň Maýa goýumy-2026” atly maýa goýum forumy geçiriler

1–2-nji oktýabr aralygynda “Ýyldyz” myhmanhanasynda “Türkmenistanyň Maýa goýumy-2026” atly maýa goýum forumy geçiriler.

Bu foruma dünýäniň 40-dan gowrak döwletinden 200-den gowrak halkara kompaniýanyň gatnaşmagyna garaşylýar.

Işewürlik maksatnamasy sekiz sessiýany we işewürlik gepleşiklerini öz içine alýar. Gatnaşyjylar nebitgaz we himiýa senagatyny, energetikany, gurluşyk, ulag we logistikany, söwdany, oba hojalyk işewürligini, innowasiýalary hem-de ýaşyl özgertmeleri ara alyp maslahatlaşarlar.