Türkmenistanyň wekilleri Merkezi Aziýanyň zenan žurnalistleriniň maslahatyna gatnaşdylar

Daşkentde Merkezi Aziýanyň köpçülikleýin habar beriş serişdeleriniň zenan işgärleriniň ikinji maslahaty geçirilýär.

Ol Türkmenistanyň, Gazagystanyň, Gyrgyzystanyň, Täjigistanyň we Özbegistanyň 100-den gowrak žurnalistini hem-de media hünärmenini bir ýere jemledi.

Gatnaşyjylar zenanlaryň žurnalistika işinde ýüzbe-ýüz bolýan amaly meselelerini ara alyp maslahatlaşýarlar. Olaryň hatarynda internetde kemsidilmeler, kiber yzarlamalar, şahsy maglumatlaryň aýan edilmegi, maşgala agzalaryna haýbat atylmagy we hünär abraýyna zeper ýetirmek synanyşyklary bar.

Zenanlaryň redaksiýalarda ýolbaşçy wezipelere eýe bolmak mümkinçiliklerini giňeltmäge, köpçülikleýin habar beriş serişdelerini dolandyrmagy kämilleşdirmäge we sebit ýurtlarynyň zenan žurnalistleriniň arasyndaky hünär gatnaşyklaryny pugtalandyrmaga aýratyn üns berilýär.