Türkmenistanly okuwçylar Halkara matematika olimpiadasynda üstünlikli çykyş etdiler

Hytaý Halk Respublikasynda geçirilen Halkara matematika olimpiadasynda türkmenistanly okuwçylar bir kümüş üç bürünç medallary gazanmagy başardylar.

Olardan Mary welaýatynyň Ýolöten etrabynyň 40-njy orta mekdebiniň 12-nji synp okuwçysy Agaperman Berdimyradow kümüş, Aşgabat şäheriniň matematika we iňlis dili okuw dersleri çuňlaşdyryp öwredilýän ýöriteleşdirilen 49-njy orta mekdebiniň 12-nji synp okuwçysy Begenç Akmyradow, Aşgabat şäheriniň iňlis dili, himiýa we biologiýa okuw derslerini çuňlaşdyryp öwredýän 86-njy ýöriteleşdirilen orta mekdebiniň 12-nji synp okuwçysy Mälikşa Meýlismyradow we şol mekdebiň 10-njy synp okuwçysy Hemra Gurbanow bürünç medallary gazanmagy başardylar.