Puşkin instituty XXII Halkara rus dili olimpiadasyna gatnaşmaga çagyrýar

Puşkin instituty daşary ýurtly mekdep okuwçylaryny W.G.Kostomarow adyndaky XXII Halkara rus dili olimpiadasyna gatnaşmaga çagyrýar. Oňa 14-18 ýaş aralygyndaky mekdep okuwçylary gatnaşyp bilerler.

Olimpiada rus dilini daşary ýurt dili hökmünde öwrenýänler we dilinde okadylýan daşary ýurt mekdeplerinde okaýanlar ýaly 2 ugurda geçiriler.

Olimpiada hasaba alyş 14-nji sentýabra çenli «Образование на русском» (https://pushkininstitute.ru) portalynda alnyp barylýar. Saýlama tapgyr 15-nji sentýabrdan 4-nji oktýabra çenli, ýarym final 10-njy oktýabrdan 25-nji oktýabra çenli onlaýn görnüşde geçiriler.

Final ýüzbe-ýüz görnüşde 13–19-njy noýabr aralygynda Moskwada — Puşkin institutynyň binasynda geçiriler.

Her ugur boýunça birinji, ikinji we üçünji orunlary eýelän ýeňijiler Puşkin institutynda onlaýn görnüşde üç hepdelik goşmaça bilim maksatnamasynda okamak hukugyna eýe bolarlar.

Giňişleýin maglumatlar Olimpiadanyň resmi sahypasynda ýerleşdirilendir.