Özbegistan 2027-nji ýylda GDA-da başlyklyk eder

2027-nji ýylda Garaşsyz Döwletleriň Arkalaşygynda başlyklyk etmek nobaty Özbegistana geçer. Bu çözgüt Awazada geçirilen GDA-nyň döwlet Baştutanlarynyň Geňeşiniň mejlisinde yglan edildi.

Arkalaşyga ýolbaşçylyk etmegiň gezekleşdirilmeginiň çäklerinde kabul edilen çözgüt barada GDA-nyň Baş sekretary Sergeý Lebedew habar berdi.

Şeýle-de Azerbaýjan döwletiniň Baştutany respublikanyň 2028-nji ýylda GDA-da doly derejeli başlyklygy öz üstüne almaga taýýardygyny resmi taýdan beýan etdi.

Bu ygtyýarlygyň çäklerinde 2028-nji ýylyň güýzünde Arkalaşygyň döwlet Baştutanlarynyň Geňeşiniň nobatdaky mejlisini guramak meýilleşdirilýär.