Portugaliýanyň milli ýygyndysy Ronalduny oýunlardan wagtlaýyn çetleşdirdi

Portugaliýanyň media serişdeleriniň, hususan-da «A Bola» neşiriniň berýän maglumatlaryna görä, futbolçynyň milli toparyň ýerleşýän ýerini özbaşdak terk etmegi bu karara sebäp boldy.

Habarda bellenilişi ýaly, Portugaliýanyň futbol federasiýasy (FPF) bu meselä meňzeş ýagdaýlar üçin niýetlenen gaýragoýulmasyz tertipde seredýär. Federasiýanyň resmi beýanatynda 10-njy oktýabrda degişli resminamalaryň Düzgün-tertip derňewleri komitetine gowşurylandygy we derňew doly jemlenýänçä jikme-jiklikleriň aýan edilmejekdigi nygtalýar.

«A Bola» we «CNN Portugal» neşirleri FPF-iň düzgünnamasyna salgylanyp, özbaşdak topardan gidendigi üçin Ronaldunyň 6 aý möhlet bilen oýunlardan çetleşdirilip, 500-den 1000 ýewro çenli jerimä sezewar edilip bilinjekdigini ýazýarlar.

41 ýaşly topar kapitany 30-njy sentýabrda — Milletler ligasynda Daniýa garşy geçirilen duşuşykdan (4:2) bir gün öň milli ýygyndynyň binasyny terk etdi.