«Gülgüne oktýabr»: Dünýäniň meşhur ýadygärlikleri gülgüne reňke öwrülýär

Her ýylyň oktýabr aýynda dünýäniň dürli künjeklerindäki meşhur binalar we ýadygärlikler süýt mäziniň rak keselinden habardarlygy ýokarlandyrmak hem-de öňüni alyş çäreleriniň geçirilýändigini ýatlatmak üçin gülgüne reňk bilen yşyklandyrylýar.

«Gülgüne oktýabr» diýlip atlandyrylýan bu halkara çäre millionlarça adama täsir edýän möhüm meselä ünsi çekmegi maksat edinýär.

Bu başlangyja gatnaşýan meşhur ýadygärlikleriň arasynda:

• Eýfel diňi — Pariž, Fransiýa

• Kolizeý — Rim, Italiýa

• Niagara şaglawugy — ABŞ / Kanada

• Isa Mesih heýkeli — Rio-de-Žaneýro, Braziliýa

• Empire State binasy — Nýu-Ýork, ABŞ

Bu ýönekeýje gülgüne reňk bütin dünýä üçin uly ähmiýete eýe bolan esasy üç ýüzlenmäni özünde jemleýär: öňüni alyş, habardarlyk we özara goldaw.

Şu ýyl hem köp sanly binagärlik ýadygärlikleri saglygymyza wagtynda seretmegiň, yzygiderli barlaglardan geçmegiň we keseliň öňüni almagyň nähili uly ähmiýete eýedigini ýene bir gezek ýatladýar.