Rim papasy Lew XIV öýken operasiýasyny üstünlikli geçirdi

Rim-katolik ybadathanasynyň baştutany Lew XIV öýkenindäki döremäni aýyrmak üçin geçirilen hirurgik operasiýany üstünlikli geçirdi.

Lukmanlaryň çaklamalaryna görä, 71 ýaşly pontifikiň doly sagalmagy we dikelmegi üçin takmynan bir hepde gerek bolar.

Watikanyň metbugat gullugynyň wekilleri Papanyň saglyk ýagdaýy baradaky goşmaça maglumatlaryň we täzelikleriň ýakyn wagtda köpçülige ýetiriljekdigini bellediler.

Dünýewi ady Robert Frensis Prewost bolan Lew XIV mundan ozal öýkeninde ýüze çykarylan üýtgeşmeleriň irki tapgyrda anyklanandygyny mälim edipdi.

Ol Papa Fransiskiň aradan çykmagyndan soň, 2025-nji ýylyň maý aýynda Rim papasy wezipesine saýlanypdy.