Hytaý birbada 116 sany suwasty drony awtonom ýüzüşe goýberip, rekord goýdy

Hytaý köp sanly suwasty enjamlary bir wagtda awtonom işletmek boýunça dünýä rekordyny goýdy.

116 sany kiçeňräk dron suw howdanynda öňünden kesgitlenen ugur boýunça, adamyň gözegçiligi bolmazdan, özbaşdak ýüzüşi amala aşyrdy.

Synaga Demirgazyk-Günbatar politehniki uniwersiteti we Xi’an Tianhe Maritime Technologies tarapyndan işlenip düzülen TH-618 dronlary gatnaşdy.

Görkeziliş 29-njy awgustda Ginnesiň rekordlar kitabynyň wekilleriniň gözegçiligi astynda geçirildi we olar bu üstünligi resmi taýdan tassykladylar.