Daniel Karwahal «Hetafe» bilen şertnama baglaşdy

«Real Madridiň» öňki goragçysy Daniel Karwahal karýerasyny Ispaniýanyň «Hetafe» toparynda dowam etdirer.

34 ýaşly futbolçy täze kluby bilen 2027-nji ýylyň 30-njy iýunyna çenli niýetlenen şertnama gol çekdi.

Bu geçiş La Liganyň maliýe çäklendirmeleri sebäpli birneme bökdençliklere duçar boldy. Sebäbi futbolçynyň «Realdaky» ýyllyk 10 million ýewro töweregi zähmet haky «Hetafede» 400 müň ýewro çenli azalýardy.

Liga gizlin tölegleriň we salgytlardan gaçmagyň öňüni almak maksady bilen zähmet haklarynyň şeýle uly möçberde peseldilmegini gözegçilikde saklaýar. Şeýle-de bolsa, taraplar gurama bilen ylalaşyk gazanyp, transferi resmi taýdan resmileşdirdiler.

Karwahal täze toparyna erkin agent hökmünde goşuldy. Ol 2013-nji ýyldan bäri «Real Madridde» çykyş edip, klub bilen jemi 26 kubok gazandy.