Täjigistanyň garaşsyzlygynyň 35 ýyllygyna mynasybetli kabul edişlik boldy

Türkmenistanyň paýtagtynda Täjigistan Respublikasynyň garaşsyzlygynyň 35 ýyllygy mynasybetli dabaraly kabul edişlik geçirildi.

Çärä Türkmenistanyň Ministrler Kabinetiniň Başlygynyň orunbasary T. Atahallyýew, diplomatlar, halkara guramalaryň wekilleri hem-de täjik diasporasynyň agzalary gatnaşdylar.

Türkmenistanyň wise-premýeri T. Atahallyýew türkmen tarapynyň adyndan gutlaglary ýetirip, köpasyrlyk dostluga, ruhy umumylyga we halkara giňişliginde, aýratyn-da, BMG-de iki ýurduň garaýyşlarynyň gabat gelmegine ünsi çekdi.

Ol döwlet Baştutanlarynyň arasyndaky ynanyşma ýörelgelerine esaslanýan gatnaşyklaryň özara bähbitli çözgütleri netijeli tapmaga ýardam berýändigini nygtady.

Bu baýramçylyk dabarasy iki ýurduň strategik hyzmatdaşlygy we hoşniýetli goňşuçylygy çuňlaşdyrmak meýlini ýene bir ýola tassyklady.