Türkmenistanyň Hindistan Respublikasyndaky Ilçihanasynda maslahat geçirildi

Türkmenistanyň Hindistan Respublikasyndaky Ilçihanasynda, Hindistanda bilim alýan türkmen talyplarynyň gatnaşmagynda, Türkmenistanyň Halk Maslahatynyň nobatdaky mejlisiniň ähmiýetine we Türkmenistanyň başlangyjy bilen kabul edilen BMG-niň Baş Assambleýasynyň «2028-nji ýyl – Halkara hukuk ýyly» atly Kararnama bagyşlanan maslahat geçirildi.

Onuň dowamynda Ilçi Ş.Geldynazarow çykyş edip, 2026-njy ýyl - «Garaşsyz, baky Bitarap Türkmenistan — bedew batly at-myradyň mekany» ýylynda Türkmenistanyň Garaşsyzlygynyň 35 ýyllyk baýramy mynasybetli ýurdumyzda geçirilýän ýokary derejeli çäreler barada gürrüň berdi. Şu nukdaýnazardan, 23-nji sentýabrda geçiriljek Türkmenistanyň Halk Maslahatynyň nobatdaky mejlisiniň ähmiýeti bellenildi.

Maslahata gatnaşanlara, Türkmenistanyň başlangyjy esasynda Birleşen Milletler Guramasynyň Baş Assambleýasy tarapyndan kabul edilen «2028-nji ýyl – Halkara hukuk ýyly» atly Kararnama bilen tanyşdyryldy.

Kararnama 78 döwletiň awtordaş bolup çykyş etmegi we bu başlangyjyň halkara jemgyýetçiliginde giň goldawa eýe bolmagy Türkmenistanyň oňyn daşary syýasatynyň üstünligi hökmünde bellenildi.