Türkmen küştçüsi Läle Şöhradowa Aziýa çempionatynda altyn we kümüş medal gazandy

Türkmen küştçüsi Läle Şöhradowa (FIDE reýtingi — 2181) 16–26-njy awgust aralygynda Hindistanyň Mumbaý şäherinde geçirilýän 20 ýaşa çenli ýetginjekleriň we gyzlaryň arasynda Aziýa çempionatynda altyn we kümüş medal gazandy.

Läle Şöhradowa 60 küştçiniň gatnaşan rapid ýaryşynda goşmaça görkezijiler boýunça altyn medala mynasyp boldy. Ýaryşyň ilkinji gününde ol blis ýaryşynda kümüş medal gazandy.

Ýaryşa Hindistanyň, Gazagystanyň, Maldiw adalarynyň, Nepalyň, Şri-Lankanyň, Türkmenistanyň we Özbegistanyň wekilleri gatnaşdylar.