Türkmenbaşy — Baku ugry boýunça gümrük işgärleri Orta geçelgäniň howpsuzlygyny üpjün etmek boýunça türgenleşik geçirdiler

Gümrük işgärleri Türkmenbaşy — Baku ugry boýunça Orta geçelgäniň howpsuzlygyny üpjün etmek boýunça türgenleşik geçirdiler. Çäre BMG-niň Neşe serişdeleri we jenaýatçylyk boýunça müdirliginiň (UNODC), Bütindünýä gümrük guramasynyň (BGG), BMG-niň Söwda we ösüş boýunça konferensiýasynyň (UNCTAD) hem-de Gümrük edaralarynyň sebitleýin torunyň (IREN) howandarlygynda geçirildi.

Türgenleşigiň özboluşly görnüşi Hazar deňziniň iki möhüm merkezini — Türkmenbaşy Halkara deňiz portuny we Azerbaýjanyň Alýat portuny birleşdirdi. Amaly tapgyr Türkmenistanda başlandy, soňra Hazar deňzinden geçiş wagtynda parom gämisiniň üstünde dowam etdi we Bakuda tamamlandy.