Oba hojalyk pudagynda türkmen-hytaý hyzmatdaşlygyň täze ugurlary kesgitlenildi

«Arçabil» myhmanhanasynda oba hojalyk pudagynda hyzmatdaşlygy çuňlaşdyrmak meselelerine bagyşlanan türkmen-hytaý duşuşygy geçirildi. Duşuşyk Hytaý Halk Respublikasynyň Sinszýan-Uýgur awtonom raýonynyň Halk hökümetiniň başlygy Erkin Tuniýazyň ýolbaşçylygyndaky wekiliýetiniň Türkmenistana saparynyň çäklerinde guraldy.

Söhbetdeşligiň dowamynda taraplar agrosenagat toplumyny innowasiýalaşdyrmak we sanlylaşdyrmak, pagtaçylyk hem-de çig maly gaýtadan işlemek, tohumçylyk, seçgi, ekologiýa we suwy tygşytlamak meselelerini maslahatlaşdylar.

Gepleşikleriň barşynda Türkmenistanyň we Hytaýyň arasynda bilermenleriň we oba hojalyk hünärmenleriniň özara saparlaryny yzygiderli guramaga aýratyn üns berildi.