Ildeşimiz Allaýar Şirliýew halkara ýaryşda ýeňiş gazandy

Türkmenistanly küştçi Allaýar Şirliýew Abu-Dabide geçirilen 32-nji Halkara küşt festiwalynyň çäklerindäki «Open A» ýaryşynda ýeňiş gazandy.

Birleşen Arap Emirliklerinde geçirilen bäsleşikde ildeşimiz mümkin bolan 9 utukdan 8 utuk toplap, birinji orny eýeledi. Ol reýtingi boýunça özünden has ýokary derejede duran iki halkara ussadyndan öňe geçmegi başardy.