Alp Arslan Begenjow Slowakiýada geçirilýän erkin göreş boýunça dünýä çempionatynyň ýarym finalynda

Türkmenistanyň erkin göreş boýunça ýygyndysynyň agzasy Alp Arslan Begenjow 20 ýaşa çenli türgenleriň arasynda Slowakiýanyň Bratislawa şäherinde geçirilýän dünýä çempionatynyň ýarym finalyna çykdy.

Sport göreşi boýunça ýaryşlar 16-njy awgustda başlandy we 23-nji awgustda tamamlanar. 86 kilograma çenli agram derejesinde çykyş edýän Begenjow ýarym finala barýan ýolunda üç tutluşykda ynamly ýeňiş gazandy.

Ýarym finalda türkmenistanly türgen Russiýanyň wekili Ahmad Mukutow bilen duşuşar. Bu agram derejesiniň beýleki ýarym finalynda amerikaly Aýoden Jeýms Sinkler bilen ýaponiýaly Natsura Okazawa göreşer.