Türkmen talyplary Abu-Dabide okuw-önümçilik tejribeligini geçýärler

Ýagşygeldi Kakaýew adyndaky Halkara nebit we gaz uniwersitetiniň talyplary  Birleşen Arap Emirlikleriň Abu-Dabi şäherinde ýerleşýän Khalifa uniwersiteti tarapyndan guralýan okuw maksatnamasynyň çäklerinde okuw-önümçilik tejribeligini geçýärler. Onuň dowamynda talyplar Khalifa uniwersitetiniň nebit-gaz tehnologiýalary, emeli aňyň energetika pudagyna ornaşdyrylyşy, tejribehanalarynda alnyp barylýan ylmy-barlag işleri bilen içgin tanyşýarlar. Şeýle tejribelik iki ýokary okuw mekdebiniň arasyndaky hyzmatdaşlygy ösdürmäge, ýokary derejeli hünärmenleri taýýarlamaga möhüm goşant goşýar.