Ýokary okuw mekdeplerine resminamalaryny kabul etmek işleri tamamlandy

Türkmenistanyň ýokary we orta hünär okuw mekdeplerine talyplyga dalaşgärleriň resminamalaryny kabul etmek işleri tamamlandy. Bu möwsüm Türkmenistanyň Prezidentiniň gol çeken Buýrugy esasynda 13 – 26-njy iýul aralygynda ýokary guramaçylyk derejesinde amala aşyryldy.

Şu ýyl ýokary okuw mekdeplerinde täze hünärleriň we taýýarlygyň ugurlarynyň jemi 20-si açylar. Şu ýyl ýurduň ýokary okuw mekdeplerine kabul ediljek ýaşlaryň sany 18 müňden geçer.

Türkmenistanyň ýokary we orta hünär okuw mekdeplerine giriş synaglary 24-nji awgusta çenli dowam eder.