ABŞ-nyň kazyýeti DV-2027 grin-kart lotereýasyny täzeden dikeltmegi aýtdy

Kaliforniýanyň Günorta okrugynyň Federal kazyýeti ABŞ-nyň Döwlet departamentine wagtynda geçirilmedik DV-2027 grin-kart lotereýasyny geçirmek borjuny ýükledi.

Bu karar Red Eagle Law hukuk firmasy tarapyndan ABŞ-nyň döwlet sekretary Marko Rubio garşy açylan kazyýet işiniň esasynda 14-nji oktýabrda kazy Jinsuk Ota tarapyndan kabul edildi.

Ilkibaşda kazyýet arzalary 18-nji oktýabrdan başlap 30 günüň dowamynda kabul etmegi we degişli seneleri 15-nji oktýabrda yglan etmegi talap edipdi. Emma taraplaryň özara ylalaşyp, möhleti iki hepde yza süýşürmek baradaky haýyşy kazy tarapyndan tassyklanyldy.

DV-2027 üçin arzalar aslynda 2025-nji ýylyň güýzünde kabul edilmelidi, ýöne maksatnama näbellilik sebäpli açylmady. Şol ýylyň noýabr aýynda Döwlet departamenti gatnaşmak kadalarynyň özgerdiljekdigini habar berip, täze möhletleriň soňrak yglan ediljekdigini aýtdy.

Netijede, 2026-njy ýylyň awgustynda Red Eagle Law hukuk firmasy lotereýanyň geçirilmegini talap edip, kazyýete ýüz tutdy.

Diversity Visa (DV) maksatnamasy her ýyl ABŞ-a immigrasiýa derejesi pes bolan ýurtlaryň raýatlary üçin 55 müň töweregi wiza bölüp berýär.

DV-2027-ä gatnaşmagyň jikme-jik şertleri ABŞ-nyň Döwlet departamentiniň resmi resurslarynda beýan ediler.