Pandora dünýäde iň uly şaý-sep zawodyny açdy

Daniýanyň şaý-sepleri öndürýän Pandora kompaniýasy Wýetnamyň Hoşimin şäherinde bahasy 150 million dollara deň bolan täze zawody açdy.

Bu kärhana kompaniýanyň iň iri önümçilik meýdançasy bolup, Tailanddan daşary açylan ilkinji zawodydyr. Pandora-nyň dünýädäki dördünji meýdançasy hökmünde Wýetnamdaky zawod kompaniýanyň umumy önümçilik kuwwatyny 50 göterim töweregi artdyrar.

2025-nji ýylda kompaniýa 112 million şaý-sep önümini satdy we häzire çenli öz önümleriniň ählisini Tailanddaky üç sany zawodynda öndürýärdi.

Täze kärhana ýylda 60 milliona çenli önüm öndürmäge ukyplydyr. Ilkibaşda kompaniýanyň global önümçilik kuwwatynda onuň paýy 15% töweregi bolar.

2030-njy ýyla çenli zawod doly güýjüne çykanda, ol umumy önümçiligiň üçden bir bölegini üpjün eder we 7 000 iş ornuny döreder.