Öý hojalyklarynyň we biznesiň çözgütleri makroykdysady durnuklylyga nähili täsir edýär?

Ykdysadyýet ugry boýunça Şwesiýanyň Döwlet bankynyň Alfred Nobeliň hatyrasyna berýän baýragynyň täze eýeleri mälim boldy. Bu ýylky abraýly baýraga «makroykdysady durnuklaşdyrmanyň mikroykdysady esaslaryny» çuňňur öwrenen Amerikanyň Birleşen Ştatlarynyň alymlary — Robert Ernest Holl we Maýkl Wudford mynasyp görüldi.

Ylmy barlaglarynda alymlar ýurtdaky umumy ykdysady ýagdaýa baha berlende diňe bir uly makrogörkezijiler — inflýasiýanyň derejesi, umumy önümçilik we sarp ediş möçberleri bilen çäklenmegiň ýeterlik däldigini görkezdiler.

Belli bolşy ýaly, geçen ýyl bu baýrak ykdysady ösüşiň tehnologik öňegidişlik bilen özara baglanyşygyny öwrenendikleri üçin Joel Mokire, Filipp Agýona hem-de Piter Hauite gowşurylypdy.

Ykdysadyýet ugry boýunça baýragyň yglan edilmegi bilen däp bolan Nobel hepdeligi öz jemleýji tapgyryna ýetýär. Baýraklary eýelerine gowşurmak dabarasy däbe laýyklykda 10-njy dekabrda — Alfred Nobeliň aradan çykan gününde geçiriler.

2026-njy ýylda baýrak gaznasynyň möçberi 12 million şwed kronasyna (takmynan 1,2 million dollar) deň boldy.