Murat Boz Türkmenistanda konsert berermi?

Türk aýdymçysy Murat Boz özüniň sosial ulgamdaky sahypasynda paýlaşan konsertleriniň meýilnamasynda Türkmenistanda geçiriljek konserti hem görkezdi.

Meýilnama görä, Türkmenistandaky çykyşlar 9-njy we 10-njy oktýabr günlerine meýilleşdirilýär.

Emma meýilnamada konsertleriň geçiriljek ýerleri, başlanýan wagty, şeýle-de Türkmenistanyň haýsy şäherlerinde boljakdygy takyklanmaýar.

Ýeri gelende bellesek, aýdymçy 2024-nji ýylyň dekabrynda hem Aşgabatda Täze ýyl konsertini beripdi.