Türkmenistanyň ýaşlar ýygyndysy Yragyň ýygyndysyndan 2:1 hasabynda üstün çykdy

Türkmenistanyň futbol boýunça ýaşlar ýygyndysy (U-20) baş tälimçi Didar Hajyýewiň ýolbaşçylygynda Aziýa kubogy-2027 ýaryşynyň saýlama tapgyrynyň ilkinji duşuşygynda Yragyň ýygyndysyndan 2:1 hasabynda üstün çykdy.

Taýlandyň Çonburi şäherinde geçirilen duşuşygyň15-nji minudynda «Ahal» toparynyň ýarym goragçysy Ýakupmuhammet Gowşudow penalti urgusyny dürs ýerine ýetirip, hasaby açdy. Ikinji ýarymyň 58-nji minutynda yrakly futbolçy Moamal Malik toparyna deňlik getirdi.

Türkmenistanyň ýygyndysyna ýeňiş getiren pökgini bolsa 77-nji minutda «Altyn Asyr» toparynyň hüjümçisi Weýisgeldi Orazdurdyýew geçirdi. Netijede milli ýygyndymyz üç utuk gazandy.