Ene-atalar! Çagaňyzy mekdebe taýýarlamakda bu ýalňyşlyklary goýbermäň

Psihologyň maslahatlaryna esaslansak, täze okuw ýylyna taýýarlyk görmekde nädogry çemeleşmek okuwçynyň okuw prosesine ýaramaz täsir edip biler. «Indi hezillik gutardy» ýaly gorkuly öwüt-nesihatlar çagada mekdep bilen bagly gorky duýgusyny döredýär. Onuň deregine ünsi täze dostlara, gyzykly derslere gönükdirmek gerek.

Çagany bir günüň içinde mekdep tertibine geçirmek zyýanlydyr. Uky tertibini öňünden her gün 15–20 minut süýşürip, okuw wagtyna sazlamak kadaly hasaplanýar.

1-nji sentýabryň öňüsyrasyndaky gysga wagtlyk okuw, ýagny birnäçe hepdäniň içinde goýberilen okuw maksatnamasynyň ornuny gyssagly doldurmaga synanyşmak çaganyň aşa ýadawlygyna sebäp bolýar we okamaga bolan höwesini gaçyrýar.

Çagaňyza mekdebiň, her täze okuw ýylynyň ösüşiň täze basgançagydygyny ynandyrmak olaryň geljekki üstünlikleriniň açary bolup biler.