Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 59-sy hasaba alyndy

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 59-sy hasaba alyndy. Daşary ýurtly işewürler bilen baglaşylan geleşikleriň jemi bahasy ABŞ-nyň 224 müň dollaryndan gowrak boldy.

Türkiýäniň we Serbiýanyň işewür toparlarynyň wekilleri nah ýüplügi, buýan köküniň ekstraktyny satyn aldylar. Ýurdumyzda işewürler içerki bazar üçin jemi bahasy 428 million 978 müň manatdan gowrak bolan «Türkmennebit» döwlet konserniniň kärhanasynda öndürilen nebit ýol bitumyny, polipropileni, nebit koksuny, nah matany we çig ýüpegi satyn aldylar.