Türkmenistanyň Garaşsyzlygynyň 35 ýyllygy mynasybetli ykdysady üstünlikleriň sergisi guralar

Türkmenistanyň Garaşsyzlygynyň 35 ýyllygy mynasybetli ýurduň ykdysady üstünlikleriniň sergisine ýokary derejede taýýarlyk görülýär. Häzirki wagtda sergini ýokary guramaçylyk derejesinde geçirmek maksady bilen degişli işler alnyp barylýar.

Sergide ýurtda Garaşsyzlyk ýyllarynda gazanylan ösüşler we ýetilen sepgitler, döwletiň hem-de jemgyýetiň ähli ugurlarynda durmuşa geçirilýän özgertmeler öz beýanyny tapar.

Bu barada 28-nji awgustda sanly ulgam arkaly geçirilen Türkmenistanyň Ministrler Kabinetiniň mejlisinde aýdyldy.