Täjigistanyň daşary işler ministriniň ýolbaşçylygyndaky wekiliýet Aşgabada geldi

Täjigistanyň daşary işler ministri Sirojiddin Muhriddiniň ýolbaşçylygyndaky wekiliýet üç günlük sapar bilen Aşgabada geldi. Saparyň esasy maksady — iki ýurduň daşary syýasat edaralarynyň arasynda syýasy geňeşmeleri geçirmekden ybaratdyr.

Myhmanlar saparyň maksatnamasyny Türkmenistanyň Söwda-senagat edarasyndan başladylar. Sirojiddin Muhriddin we wekiliýetiň agzalary «Kids Expo: Ähli zat çagalar üçin» atly halkara sergi-ýarmarkasynyň ekspozisiýasy bilen tanyşdylar.

Soňra täjik wekiliýeti Türkmenistanyň Garaşsyzlyk binasyna baryp gördi we ol ýerde Garaşsyzlyk binasyna gül goýdular. Wekiliýet agzalary Köpetdagyň eteginde ýerleşýän «Magtymguly Pyragy» medeni-seýilgäh toplumynda hem bolup, täjik şahyry Saýido Nasafiniň ýadygärligine gül goýup, ony sarpaladylar.

Şeýle-de wekiliýet topary Halkara Aşgabat atçylyk-sport toplumyna baryp gördüler.