Türkmen-gazak ykdysady hyzmatdaşlygynyň mümkinçilikleri ara alnyp maslahatlaşyldy

Türkmenistanyň Gazagystan Respublikasyndaky Ilçisi Batyr Rejepow bilen Gazagystan Respublikasynyň maliýe ministriniň orunbasary Ýeržan Biržanowyň arasynda duşuşyk geçirildi.

Taraplar gümrük we salgyt ulgamlaryndaky ikitaraplaýyn hyzmatdaşlygyň häzirki meselelerini, şol sanda degişli edaralaryň arasyndaky gatnaşyklary ösdürmek, şeýle hem iki ýurduň üstaşyr, ulag we söwda-ykdysady hyzmatdaşlygyny pugtalandyrmak bilen bagly meseleleri ara alyp maslahatlaşdylar.

Duşuşygyň ahyrynda hyzmatdaşlygy mundan beýläk-de ösdürmek boýunça pikir alyşmalary dowam etdirmek barada ylalaşyldy.